Grunnskólapakkinn

Hvað gerir þú þegar óttinn lætur á sér kræla? Eins og ógnvekjandi ljón, sem mætir óboðið. Hættir þú við að gera það sem þú ætlar þér, eða finnur þú leið í gegn um óttann? Hákon ætlar að keppa í hástökki í fyrsta sinn, en lamandi kvíði verður til þess að hann flýr af hólmi. Með stuðningi og snjöllum ráðum eldri systur sinnar áttar Hákon sig á því að hann þarf ekki að losna við óttann til þess að vera hugrakkur. Þessi fallega barnabók hjálpar fjölskyldum að takast á við erfiðar tilfinningar og áhyggjur á uppbyggilegan hátt. Þetta er hagnýt saga sem sýnir börnum að raunverulegt hugrekki felst ekki í því að vera aldrei hræddur, heldur að láta óttann ekki stoppa sig. Sagan er sjálfstætt framhald metsölubókarinnar Skýin í maganum og er skrifuð í samstarfi við Sterkari út í lífið.

Höfundar: Sigrún Hrönn Ólafsdóttir og Svanborg María Guðmundsdóttir

Sumir segja að það komi varla jól án þess að púsla og við erum eiginlega sammála! Púslið okkar hentar grunnskólabörnum vel og er bæði skemmtileg afþreying og góð æfing í einbeitingu, þolinmæði og rýmisgreind.

Prófið að hafa púslið á matarborðinu eða sófaborðinu yfir jólin og leyfið allri fjölskyldunni og gestum og gangandi að taka þátt. Púsl er einföld leið til að skapa notalegar samverustundir, hægja aðeins á og njóta þess að vera saman í núinu.

Gerðu biðina eftir jólasveinunum enn skemmtilegri! Þessi fallegi jólasokkur er hannaður sérstaklega fyrir krakka til að lita og skreyta sjálf. Á honum eru skýrar og skemmtilegar útlínumyndir af sígildum jólapersónum.

Með hverjum sokk fylgir lítill pakki af tússpennum, svo hægt er að hefjast handa um leið. Skemmtileg og róleg afþreying þar sem útkoman verður einstakur og persónulegur jólasokkur. Tilbúinn í gluggann fyrir jólasveinana.

Perlurnar okkar hafa slegið í gegn síðustu ár, enda er fátt notalegra en að setjast niður og perla saman í desember. Perlugerð getur bæði verið dásamleg samverustund og frábær leið til að fá þau til að dunda sér ein.

Úr perlunum verða fallegar jólaskreytingar sem hægt er að hengja á jólatréð, setja á jólapakka eða gefa einhverjum kærum. Skemmtileg jólahefð þar sem sköpunargleði og samvera fá að njóta sín.

Bráðfyndinn og hraður spilaleikur fyrir alla fjölskylduna þar sem einbeiting, viðbragðsflýtir og snör handtök skipta öllu máli!

Leikmenn skiptast á að leggja niður spil og segja orðin pakki, snjókall, köttur, álfur, skraut. Þegar orðið og myndin passa saman þurfa allir að vera snöggir að slá á bunkann!

Einfaldur, fjörugur og fullkominn í jólaboðið. Í kassanum fylgja auðvitað ítarlegar leikleiðbeiningar.

Spilið er sérstaklega hannað fyrir jólin 2026 og hefur aldrei verið gefið út áður! Það er fátt sem toppar minningar um skemmtileg spilakvöld í jólafríinu. Spilin sem við höfum hannað undanfarin ár hafa heldur betur slegið í gegn og við erum sannfærð um að þetta muni gera það líka.

Skemmtileg og fjölbreytt þrautabók fyrir grunnskólakrakka! Bókin er stútfull af spennandi verkefnum og þrautum sem reyna á rökhugsun, einbeitingu og útsjónarsemi.

Krefjandi á köflum, en alltaf skemmtileg.  Fullkomin afþreying fyrir rólegar stundir í desember og jólafríinu.